Setti fimmini pi un tarì 

Ti e titirití
setti fimmini pi un tarí;
un tarí è troppu pocu
setti fimmini pi un pircocu;
lu pircocu è troppu duci
setti fimmini pi ‘na nuci;
e la nuci è troppu dura
setti fimmini pi ‘na mula;
ma la mula avi li denti
setti fimmini pi un serpenti;
e lu sirpenti è avvilinatu
setti fimmini pi un granatu;
lu granatu è a coccia a coccia
setti fimmini pi ‘na boccia;
ma la boccia etta acqua
setti fimmini pi ‘na vacca;
e la vacca avi li corna
setti fimmini pi ‘na donna;
la donna scinni ‘i scali
setti fimmini pi un rinali;
ma lu rinali è tunnu tunnu
setti fimmini pi lu munnu;
e lu munnu è titirití
setti fimmini pi un tarí.