I moderni mezzi d’informazioni
n’aggiornanu su tanti situzioni
e nantri semu pronti ad aspittari,
risposti ca ‘un videmu arricampari.
Doppu trent’anni ca stannu a pinsari
comu st’aereo potti scoppiari,
tutti d’accordu dissiru ‘na cosa:
-E’ Ustica ca fà ‘a misteriosa!-
Misteri cci ‘nni sunnu proprio a josa:
cavaddri cunnuciuti a villiggiari
ne megliu alberghi pi falli scialari,
e c’è puru cu s’ammazza prima
e po’ metti ‘a pistola nà fondina.
Mattei ristà n’celu accartucciatu
picchì ‘n terra di metanu avja parlatu,
e ‘u tribunali cerca ancora ducumenti
pi capiri si fu sulu un’ncidenti.
C’è ancora cu si dedica ò refertu
dò cafè c’a Sindona vinni offertu
e da morti di Calvi e Giulianu
ca restanu un mistero italianu.
Chiddru ca pi nantri appari stranu
chistu è ‘u Commissario Montalbanu
ca graziaddiu chjui l’inchiesta
e“d’indagini in corso” nenti cchiù resta.